الصحه والرشاقه

تجربتي لمنتجات شركه ڤيتاڤيق العضويه

الــمدونه غادة كريم

🌴سا الخييير 🙋
💎قبل فتره كنت نزلت موضوع عن تجربتي مع مقاطعه منتجات الحليب الحيوانيه لمده شهرين واثرها الايجابي على الجسم والصحه العامه والبشره

 اظغط على الرابط للاطلاع على موضوع مقاطعه مشتقات الحليب

 
  طيب البديل شنو ونشرب الشاي بشنو وهل الحليب الي داخل في الحلويات والكيك وباقي الحاجات برضو نبتعد عنو ولا لا؟؟

💎اليوم على ضوء الموضوع السابق حابه اشارككم تجربتي مع منتجات شركه ڤيتاڤيق العضويه ..
سبق واخدت منهم زيت جوز الهند العضوي والي برضو نزلت عنو تدوينه وعن فوايدو للبشره والشعر وبرضو استخداماتو الغذائيه..
💎نفس الشركه عندهم منتجات كتيره عضويه وخاليه تماما من اي اضافات كيميائيه و مفيده وصحيه للناس الي حابه تخفف وتستغنى عن المواد المصنعه ..
💎عندهم سكر نخيل جوز الهند العضوي 🌴 بستعملو بدل السكر العادي لانو صحي اكتر ..
💎عندهم بذور الكاكاو العضويه الطبيعيه☘ مباشره من جوا ثمره الكاكاو لعندك.. حلوه جدا وهشه وممكن تضيفيها لاي حاجه بتعمليها وتستفيدي من مكوناتها الطبيعيه الغنيه بالعوامل المضاده للاكسده والفيتامينات .. بضيفها للحلويات وللشاي ولاي مشروب حار ..
☘في البدايه بتحسي اول ما تفتحي الكيس بتاعها ان ريحتها ما حلوه ، قريبه ل ريحه الشوكولا الدارك السمرا الي خاليه من الإضافات بس على اوحش كمان ، لكن بمجرد ما تضيفيها لاي حاجه واثناء الاكل او الشرب ما بتحسي خالص ولا بتشمي اي ريحه منها وبتختفي تماما ..
💎مبشور جوز الهند العضوي برضو عباره عن جوز هند طبيعي تماما وخالي من اي اضافات وتقدري تضيفيه لاي حاجه بتحبيها ، بيزيدها جمال وطعم لذيذ..
💎حليب جوز الهند العضوي. يلا دا هو الزيييت زي ما بيقولو .. لانو بجد ممتاز جدا .. استغنيت تماما عن الحليب العادي مع الشاي او النسكافيه وبقيت بضيف من الحليب دا .. فرق شاسع جدا بينو وبين اي حليب جوز هند ( غير عضوي ) كنت جربتو قبل كدا لانو تقيييل ومركز وفعلا بيغنيك عن اي اضافه لاي حليب من اي مصدر حيواني ، حلو جدا جدا للناس الي عاوزه تبدا موضوع المقاطعه المؤقته لمنتجات الحليب الحيوانيه لانو بيكون هو البديل للناس المدمنه على شاي الحليب والنسكافيه.. وبرضو حيكون مناسب لاخواتنا المسيحيات مع ايام الصيام الي بيقاطعو فيها المنتجات الحيوانيه ..
بضيفو للحلويات والكيك وبيغنيني تماما عن الحليب الحيواني المصدر..
🌴حلو جدا للشعر لما تعمليه ماسك زي ما ذكرت قبل كدا ، لكن للامانه فرق شاسع بينو وبين النوع الي كنت ذكرتو قبل كدا في بوست ( حليب جوز الهند على المدونه ) لان دا عضوي والانواع الموجوده في البقالات والسوبرماركت مصنعه وتركيزها خفيف ..
🌴عندهم برضو كريمه او قشده جوز الهند العضوي ، مممممم بصراحه ما عجبتني .. حسيتها دسمه جدا جدا جدا وان كانت دسامتها تبقى نباتيه وعضويه لكن انا ما نفعت معاي بالنسبه للاكل عشان كدا برضو عملتها ماسك للشعر وكانت اكتر من رائعه ، بتنعم الشعر وبتدي لمعه حلوه لما تعمليها بعد غسيل الشعر ..
🌴دبس جوز الهند العضوي ، ااااه العشق. ، كلمه رهيب شويه عليه.. خفيييف و لذيذ ، بيتضاف لاي حاجه ممكن تتخيليها ، لكل انواع الحلويات ، لاي تتبيله سواء لحم ولا دجاج ممكن تضيفيه للتتبيله قبل الطبخ..
مع توست محمر الصباح مع فنجان القهوه واستمتعي ..
🌴عندهم برضو حاجه اسمها طحين جوز الهند ، طبعا هو ولا طحين ولا طحين.. نفس جوز الهند ساحنينو ناااعم وقالو طحين..لكن ابدا لا يمكن استخدامه كا طحين واستخدامه لا يتعدى استخدام مبشور جوز الهند العادي يعني ممكن بس يضاف للحاجه البتعمليها سواء حلويات او للتزيين او كدا..
انا طبعا في الاول افتكرتو دقيق وقمت يااا يمه عملت ليك العجينه ( الي اصلا وانا بعجن قلبي اباها 💔 ) بس قلت لا يمكن ح تتحول في الحلقه الاخيره.. وفعلا اتحولت لكن ل كارثه 💣
المهم بس هو زيو زي المبشور العادي وما تعلقوا عليه امال كبيره..
🌴عندهم كمان حاجه جميله جدا اسمها مسحوق جذور الماكا، قد يكون اغلبكم سمع عن جذور الماكا وارتباطها الوثيق بالخصوبه عند الرجال والنساء .. لكن عندها طبعا فوائد تانيه كتيره جدا لانها غنيه با الفيتامينات والمعادن وممكن تضيفيها لاي حاجه بتشربيها ح تفيدك جدا جدا للبشره والشعر والصحه العامه..
لكن اعملو حسابكم النبته دي بتلخبط مع اي علاج او دوا هرموني، يعني لو بتاخدي حبوب منع الحمل ح توقف مفعولها او لو لاقدر الله اي حد بيستعمل حبوب وادويه هرمونيه لامراض تانيه برضو بيوقف مفعولها ..
ف اغلب الناس الي بيستعملوها بيكون عندهم مشاكل في الخصوبه بالذات الرجال او النساء الي عندهم مشاكل في البيريود وتاخر الحمل..
🌴الليله مع البرد والاجواء الشتويه دي قمت عملت كريب واستخدمت فيه حليب جوز الهند وسكر النخيل للعجنه وحشيتو بالموز و بذور الكاكاو وتوت مجفف ومسحه نوتيلا عشان اخرب ابو و ام اي حاجه عضويه 🙄 ومن فوق رشيتو ب دبس جوز الهند وبرضو مبشور جوزهند وبذور كاكاو مممممم يمي يمي 😛
وبرضو كبايه كاكاو دافيه ورشيت عليها بذور الكاكاو..
وجبه بتدفي للشتا الجاي 🎅🎅

💎اسعارهم منطقيه ومناسبه ومافي حاجه زايده عن ٧٠ ريال ..
وعندهم توصيل لكل انحاء العالم حتى السودان وامريكا..
صفحتهم على انستغرام @vitaveg1

تحياتي..
ودمتم في نووور ..🌼

عن الكاتب

غادة كريم

ما قيل للورده حتى جعلها تتفتح.. يشبه ما قيل لي حين صرت انثى مغرمه بالجمال..في مدونتي اهتم بجمال الروح وحياه القلب واشارككم شيئا من رسائل الحياه..