مفضلتي

زيت الأرجان

الــمدونه غادة كريم

عاوزا اكلمكم اليوم عن واحد من اهم مستحضرات التجميل في العالم .. دا لو ما كان اهمها على الاطلاق..
زيت الأرجان?? ..  وتحديدا  زيت الأرجان  من شركه Josie Maran بيحتل المرتبة الأولى في مبيعات زيت الأرجان في العالم و يصنف على انه الأكثر جوده وموثوق انه ١٠٠٪ صافي?? ..

زيت الأرجان  بيعتبر من أغلى زيوت في العالم??? بيسموه الذهب الأصفر?? عشان سعره المرتفع ولونه الذهبي الجميل  ، سبب ارتفاع سعره هو ان اشجارو نادره جدا??? وما موجوده غير في المغرب العربي .. عشان كدا بيسموه الزيت المغربي ..بيساهم بشكل كبير جدا في  العناية بالبشرة  وبيدخل في تركيب منتجات كتيره جدا لانو بيساعد بشكل سحري في انو يدي البشرة توهج ونعومه لافته جدا??? ..

معظم شركات مستحضرات التجميل بتدخل زيت الأرجان في كريمات الترطيب الي بتنتجها وبتهتم كمان بباقي الزيوت زي زبدة الشيا ،زبدة الكاكاو، زيت الجوجوبا ، وزيت الزيتون ، وزيت اللوز الحلو وزيت جوز الهند وغيرها من الزيوت الطبيعية..

?خطوات العناية بالبشرة بزيت الأرجان .. وكيف ممكن نستفيد من زيت الأرجان ؟

بما أننا على أبواب  الشتاء⛄⛄..بشرتنا بتبدا تبقا جافة وبتحتاج مننا ترطيب عميق ومتواصل .. زيت الأرجان بيقوم بالمهمه دي بكل جدارة .. بجد هو البطل في مسلسل ترطيب البشره??..

في كذا طريقه بنستعمل بيها زيت الارجان السحري للعنايه بالبشره والجسم .. ح اشرح كم طريقه هنا ??…

الطريقه الاولى:

لعلاج جفاف الجسم ?..
حطي كم نقطه من زيت الأرجان على  كريم طبي  يكون بدون عطور زي لوشن  سيتركس مثلا عشان غني بفيتامين سي ..بعدها امسحي جسمك كلووو لحد اطراف اقدامك??..

النتيجة :
ترطيب عميق ونداوة على البشرة? .

الطريقة الثانية :

لعلاج الشعر وفروة الرأس الجافة?..

أثناء ما انتي بتستحمي برضو حطي نقط  من زيت الأرجان على ماسك الشعر البتستعمليه عاده  ولخبطيهم سوا وخليه على شعرك لمدة 5 دقائق بعدين أشطفيه.

النتيجة :
شعر ناعم وأكثر لمعانا??ً.

لعلاج فروة الرأس:اعملي مساج لفروة الرأس بزيت الأرجان لمدة 10 دقائق قبل الحمام .. بيعالج اي مشاكل في فروه الرأس ..

لحماية أطراف الشعر من التقصف???:
ادهني أطراف الشعر بنقط  من الزيت يومياً ، وماوتخافو من الاحساس الدهني لانو ما بيخلي اي اثر دهني على الشعر لانو بيمتصو علطول..

النتيجة:
مظهر صحي ولاااامع لأطراف الشعر..
ولو وحده سألت هل ممكن يكون علاج لتقصف الشعر ح اقولك لاااء
لان مافي  أي علاج لأطراف الشعر المتقصف الا القص??? ،لأن الشعر فيها عبارة عن خلايا ميتة ، والجزء الوحيد الحي هو جذر الشعر الي  بيتغذى من جوا ..
ودور الزيوت هي انها تطريه وتديه لمعان ومظهر صحي ..
يعني لو شعرك متقصف ومتضرر جدا ما تتعبي نفسك وتمسحي زيوت ب ملايين الا لو قصيتي الجزء المتضرر والميت من شعرك عشان تحسي بفايده الزيت المستعملاه?..
وما تكون قروشك طارت على الفاضي???

الطريقة الثالثة :
للتدليك والمساج ..، طبعا ممكن تعملي مساج للجسم والوجه مرتين في الأسبوع بزيت الأرجان??..

النتيجة :

بيدي البشرة طراوة وبتبقى ناعمه بمعنى الكلمه.. .

الطريقة الرابعة :
علاج اكزيما اليدين? والوجه وجفاف كعب القدمين ..
اعملب  ماسك لليدين? ..لخبطي كم نقطه من الزيت مع المرطب الخاص باليدين البتستعمليه عاده..

طريقة وضع الماسك:
امسحي يدينك بغزاره  بالماسك العملتيه بعد داغلفي يدك ولفيها  بقطعة النايلون الي بنلف بيها الاكل والبسي فوقه قفاز قطني لمدة نص ساعة أو ساعة كل يوم? .
طبقي نفس الطريقة على اقدامك..
النتيجه .. ترطيب عميق جدا ولون بشره ذهبي وصافي ..

اكزيما الوجه :
دلكي الوجه ?كامل بقطرات من الزيت ، 3 أو 4 مرات في اليوم .

النتيجة :

نعومة وترطيب عميق واختفاء الاكزيما مع التكرار اليومي وبشره صحيه جدا?..

الطريقة الخامسة :
علاج لتجااعيد العين والعين المجهدة أو الجافة ?ومقوي للرموش والحواجب.

الطريقة

نقطه واحدة من الزيت كافيه جدا لتدليك الجفن السفلي والعلوي عن طريق الطبطبة ومسح الرموش بالأصبع واعملي حسابك وانتي  بتدهني رمش العين ، فقط مسح خفيف جداً??..

الطريقة السادسة :
علاج للشفاة الجافة والمتشققة?
ادهني الشفتين بقطرات الزيت يومياً للحفاظ على النعومة والطراوة وخليه من ضمن روتينك بتاع العناية اليومي بالبشرة .

النتيجة :

يحمي الشفاة من التشققات ويكسبها نعومة  ولون جميل? ..

الطريقة السابعة :

حماية وتقوية الأظافر من التقصف والتكسر ??

ادهني أظافر اليدين كل يوم مرة واحدة فقط ?.

النتيجة :

أظافر أكثر قوة ومظهرها لامع وصحي?.

بجد زيت الأرجان اقل ما يقال عنه انو جزء من شجره هي عباره عن هديه الله لنساء الارض?? .. يمكن ناس تاخد كلامي مبالغه بس لو استعملتوه من اول اسبوع ح تحسو بالفرق..
عمر الطبيعه ما خذلتنا .. اي حاجه طبيعيه بتكون جميله.. وعمرها ما حتأذينا???? ..
طبعا زيت الأرجان ممكن تستعمليه لاطفالك بكل امان?? .. بعد الاستحمام او لو عندهم اكزيما او على فروه الرأس او تعملي ليهم مساج بيه .. جميل جدا وآمن للغايه ..

نجي لحته نجيبو من ويييين ?
زي ماقلت في الاول .. في ناس بتبيعو بس ما بيكون ?اصلي ومابيكون صافي? ومخلوط بحاجات كتيره وما حيدينا النتيجه المطلوبه ?…
?شركه Josie maran
من اضمن شركات التجميل بخصوص زيت الارجان?? .. مضمون ١٠٠٪ انو صافي وخالي من اي اضافات وبيبيعو اونلاين للعالم كلو ??.. دا موقعهم ممكن تطلبو منهم العبوه البتناسبكم..
هم طبعا مفصلينها .. الوجه والجسم والاظافر والعيون وووووو. …
انتو اطلبو العبوه الكبيره بس لانو نفس الشي وبتكفيك لكل جسمك وشعرك فتره طويله لانك بتستعملي نقط بس يوميا ..

http://www.josiemarancosmetics.com

او طبعا الي عندها زول مضمون في المغرب يجيبو ليها دا كمان بيكون مضمون جدا .. مع العلم انو ممنوع خروجو من مطار المغرب بكميات تجاريه.. ممنوع تماما?? لانو بيعتبر واحد من ثروات البلد هناك الممنوع المتاجره بيها الا لجهات معينه..

مش قلت ليكم ان اسمو
(?الذهب الاصفر?)..

تحياتي ودمتم جميلات

عن الكاتب

غادة كريم

ما قيل للورده حتى جعلها تتفتح.. يشبه ما قيل لي حين صرت انثى مغرمه بالجمال..في مدونتي اهتم بجمال الروح وحياه القلب واشارككم شيئا من رسائل الحياه..