العناية بالشعر

زيت جوز الهند العضوي

الــمدونه غادة كريم

موضوع الليله وهو عن زيت جوز الهندالعضوي.. الي اتكلمت عنو كتير جدا ونصحت بيه للبشره والشعر ..
يلا السؤال المهم هو انو كيييف نقدر نميز الزيت الاصلي من المغشوش..
طيب .. في كذا حاجه لازم تتوفر في الزيت عشان نقدر نقول عليه اصلي ونقي وتستعمليه وانتي مطمنه انو ح يديك اروع النتايج..
اول حاجه انو لازم يكون معصور على البارد وما اتعرض لاي درجات حراره عاليه واتعرض لعمليات تكرير كتيره..لان عمليه تكرير الزيوت بتفقدها كتير من فوائدها وما بيكون منها فايده تذكر لو استعملتيها ميه سنه..
اهم حاجه لازم تنتبهو ليها لما تشترو زيت جوزهند مظهر الزيت نفسو وشكلو ولونو الصافي ، لما يكون جامد لونو بيكون بالضبط زي لون الثلج ( ثلج الطبيعه⛄ ما ثلج الثلاجات والفريزر ) اتعمدت في الصوره اني استعمل صحن وملعقه لونهم ابيض عشان تشوفو ان مافي فرق في اللون وفعلا لونو زيج الثلج وهو جامد..
وهو سايح بيكون لونو صااافي زي المويه..
عاده بيسيح بسرعه جدا لو اتعرض لدرجه حراره وفي الوضع العادي لو مشغلا مكيف الغرفه بيكون شبه جامد ولو الجو برد شويه علطول بيجمد..
دي صفات بتثبت ان الزيت الي عندك بكر وصافي ونقي ..
لو لقيتي فيه اي تغيير في اللون .. مدي على اصفر او رمادي فاتح تاكدي انو مغشوش و انو درجه ثالثه
الحاجه الثالثه الي بندور عليها لما نشتري زيت جوزهند هي الريحه..
الاصلي والنقي والبكر ريحتو بتكون بالضبط زي ريحه الباونتي .. بتعرفو شوكلاته باونتي صح .. نفس ريحه جوز الهندالاصلي ونفس الطعم .. لو لقيتي ان الزيت العندك مافيه اي ريحه ولا طعم معناها ما اصلي ولا عندو اصل زاتو.. واعملو حسابكم احيانا بتلقي الزيت ريحتو قويه لكن تجي تضوقيه تلقيه مافيه اي طعم.. دا مجرد تحايل من بعض الشركات بيضيفو روائح للزيوت المضروبه عشان يقنعو المستهلك انو زيت اصلي.. فا ركزو على الريحه والطعم مع بعض..الحاجه الرابعه المهمه الي لازم تنتبهو ليها هي السعر .. ايوه السعر..
دايما حطي في بالك القاعده دي !
الي بتدفعيه بتلقيه في الي اشتريتيه..
تاكدي انك لو مشيتي تشتري زيت جوز هند والبايع قال ليك اصلي ونقي .. وسألتيه سعرو كم وقالك سعر رخيص.. فاعرفي انو كذاب وغشاش لان زيت جوز الهند العضوي الاصلي والنقي سعرو مارخيص ابدا..
يعني اغلب الزيوت الي ماليا السوق بتلقيها بالكتير ب ٢٠ ريال ودي طبعا زيها زي زيت الفرامل واحد ، فما تتعبو نفسكم وتشتروها على الفاضي..
جربت كذا نوع بعتبرو انواع اصليه لكن اكتر واحد بتتوفر فيه كل المواصفات وفعلا نقي هو زيت جوزالهند العضوي من vitaVeg
اكثر من رائع..
وعندو مليون استخدام..
للاكل والشرب والشعر والجسم ..
انا كنت وصفت استخدامو في كذا حاجه ح اذكركم ب بعضها..
تعملي بيه حمام زيت لشعرك من جذورو لحد اطرافو وتخليه على شعرك يا اما طول الليل او على الاقل ٦ ساعات وبعدين تدخلي تغسلي شعرك عادي.. ح تلاحظي ان ابدا مافي اي نكشه في شعرك بعد الغسيل لان الزيت حما شعرك من المويه والمشاكل الي بتعملها في الشعر.. ممكن تستعمليه في تصفيف الشعر ف الايام العاديه لان زي ما قلت قبل كدا انو بيخترق الشعر بنسبه ٩٨٪ والشعر ما بيكون بيلزق ومزيت لما تمسحي منو حاجه بسيطه للايام العاديه.. بعد الاستحمام عادي بترطبي بيه جسمك.. بتستعمليه كامزيل للمكياج بعد يوم طويل.. بتمسحي بيه وشك كلووووو وتبدي تعملي مساج بحركات دائريه كدا بتشيلي كل المكياج والاوساخ واي حاجه طلوعها صعب بالغسول العادي .. ( لاحظو ان واقي الشمس مستحيل يطلع الا بالطريقه دي .. والغسول العادي بيديك احساس انو طلع كلو لكن في الحقيقه بيكون لسا ماطلع وقافل مساماتك كلها) عشان كدا الطريقه دي مفيده جدا .. وبعد ما تتاكدي ان كل المكياج طلع بتعملي عليه غسولك البتستعمليه وتغسلي وشك بمويه دافيه و بعد دا مويه بارده عشان تقفلي المسام كلها..
ممكن للناس الي بتعاني من الام في اللثه او الاسنان او ضعف في مينا الاسنان .. تستعملوه كا مضمضه الصباح على الريق .. فنجان صغير وتتمضمضي بيه لمده ١٥ دقيقه .. مفيده جدا الطريقه دي وكانو بيستعملوها الهنود الحمر من زمااااااان وبيعالجو بيها امراض كتيييييره غير امراض اللثه والاسنان.. حتى بتلاحظي وانتي بتتمضمضي ان ( الله يكرمكم) فيه كميه من البلغم بتحسيهاعاوزه تطلع .. لانو بينظظظظظف ..
طبعا ما ننسى استعمالو في الاكل والمخبوزات.. رهيب.. زي الزبده.. لو مسحتيه على توست بس واكلتيه بتحسي بطعم لايوصف..
واهم استخدام ليه من وجهه نظري.. للاطفال.. سواء للشعر او البشره.. بيغنيك تماما عن اي مستحضرات تانيه ممكن تضرهم..

متاكده انكم ح تحبوه  والتعليب بتاع العلبه راقي وجذاب ..
سعر العلبه فيها 500 مل 100ريال
بتتباع تقريبا في كل مناطق المملكه.. ح انزل ليكم رقم التواصل .. وعندهم صفحه على انستغرام لو عاوزين تطلعوا زياده.. @vitaveg1
دا رقم التواصل وبعد دا عندهم ارقام خاصه لكل منطقه ..
0540756567
بيوصلو ليك لحد البيت..

الناس الي برا المملكه ممكن تتبعو المواصفات الي ذكرتها عشان تتاكدو من جوده الزيت وبعد دا تشترو وانتو مطمنين بغض النظر عن الماركه والشركه..

تحياتي..
ودمتم في نوووور

عن الكاتب

غادة كريم

ما قيل للورده حتى جعلها تتفتح.. يشبه ما قيل لي حين صرت انثى مغرمه بالجمال..في مدونتي اهتم بجمال الروح وحياه القلب واشارككم شيئا من رسائل الحياه..