أسرار غادة

طريقتي في تعطير الملابس داخل الدولاب 

الــمدونه غادة كريم

​#طريقتي_لتعطير_الملابس_داخل_الدولاب_وتعطير_المراتب_والمخدات_واستخدامات_المسك_الجامد

❤عشان تحافظي على ريحه منعشه وريحع نظافه  للملابس داخل الدواليب والادراج وبرضو تخلي ريحه المراتب والمخدات حلوه اعملي كالاتي :-

❤بتجيبي قطع المسك الجامد من عبدالصمدالقرشي ( الصندوق في ٦ مكعبات ) بتبشري المسك بشر ناعم او خشن براحتك ، وتعبيه في اكياس تل ( بضم التاء ) وتربطيه وتبدي توزعيه بين طبقات الملابس داخل الدواليب و جوا ادراج الملابس الداخليه وادراج الشرابات وادراج المناشف والملايات والبطانيات ..

❤بنفس الطريقه بتدخلي اكياس التل المعبيه مسك جوا المخدات والمراتب ، او ممكن قبل ما تفرشي الملايات على السراير ترشي عليها من المسك المبشور نااااعم وبعد دا تفرشي الملايه..

بيدي ريحه نظااافه نظافه ومنعش جدا جدا .. 

❤لو ما عاوزه تعملي المسك او ما بتحبي ريحتو ممكن تلجأي للاكياس الجاهزه الي بتتباع في زهور الريف او لايف ستايل في سنتر بوينت.. اسعارها زهيده جدا و روائحها مختلفه لكن ما بتقعد كتير زي ريحه المسك.. 
❤عندو استخدامات كتيره المسك الجامد.. 

🚩ممكن تبشريه وتضيفي عليه مويه ورد وتستعمليه كا معطر جسم بعد الحمام..

🚩ممكن تبشريه وتبشري معاه اي صابونه وتضيفي عليه مويه ورد حبه وبتستعمليه كا غسول جسم ..

🚩ممكن تبشريه ناعم وتستعمليه كا ديودرنت ( مزيل عرق ) ممتاز جدا ..

🚩ممكن تبشريه ناعم وتضيفي عليه نقط زيت عطري وتستعمليه كا مخمريه للشعر بعد الاستحمام..

🚩ممكن تضيفيه لخلطاتك الكريميه بتاعه الجسم وليس الوجه .. 

لكن نهائي ما تفكرو تستخدموه للمنطقه الحساسه ابدا..

🚩برضو لما تستفي الشنط سواء للسفر او لو عندك ملابس عاوزه تلميها حطي اكياس المسك..

🚩برضو من إستخداماتو ممكن تبشريه وتعبيه في اكياس تل وتربطيه في دورات المياه او تحت المغاسل داخل ادراج الاحذيه.. ريحتو بتفوح وبتمسك في المكان.. 

❤العلبه زي ما قلت فيها ٦ مكعبات بتقعد معاك فتره طوويييله جدا.. 

سعرها ٧٥ ريال من عبدالصمدالقرشي ، ما عندي فكره لو بيتباع في مكان تاني ..

❤اسعار اكياس تعطير الملابس الجاهزه من زهور الريف للعلبه( فيها كيسين ) ١٥ ريال

سعر الكيس الواحد من لايف ستايل ١٢ ريال بنكهات مختلفه ( ورد و لافندر و فانيليا و كرز وفراوله وتوت وغيرها كتير ) 🚩راعو لما تختارو نكهات انو تركزو على الروائح البارده زي الفانيليا لدولايب الرجال .. 

والفواكه لدواليب الاطفال ..

انتي دولابك اعملي فيه العاوزاه😂

عشان كدا رأيي في القضيه ان المسك احسن للجمييييع 👍
تحياتي❤

و دمتم في نوووور ❤

عن الكاتب

غادة كريم

ما قيل للورده حتى جعلها تتفتح.. يشبه ما قيل لي حين صرت انثى مغرمه بالجمال..في مدونتي اهتم بجمال الروح وحياه القلب واشارككم شيئا من رسائل الحياه..