العناية بالبشرة

كريم مناسب لحب الشباب وازاله الاثار وآمن للحامل والمرضع

الــمدونه غادة كريم

سالخييير😇
بما اني رايقه وبشرب قهوه ☕ تعالو نونسكم بالكريم دا.. الحوامل والمرضعات برضو تعالو بينفع معاكم..
اسمو سكينورين .. المكون الاساسي ليه حمض الازيليك بتركيز ٢٠٪
حلو جدا للناس الي عندها حبوب والاحلى انو بيشيل الاثار.. مفعولو بيظهر بعد ١٥ يوم من الاستعمال..
ممكن برضو تستعملوه على حبوب الظهر والاثار ..
وعشان تحفزو مفعولو اعملو قبلو سيروم فيتامين سي وبعد ١٠ دقايق امسحوه.. او ممكن لوحدو كمان مافي مشكله..
الحوامل ممكن تستعملوه بعد ما تكملو ٣ شهور من الحمل..
المرضعات استعملوه عادي ..
بنصح بيه برضو للمراهقات كا كريم ليل ..
بس ما تمسحوه قريب لمنطقه العين اوكي ..
اول ما تعمليه بيلسع وبيقرص لمده ٥ دقايق تقريبا بعد دا بيروق.. فا ما تخافو..
لكن كلكم اعملو اختبار حساسيه منو الاول على الرقبه قبل الاستخدام .. لان لو عندك حساسيه من الحمض نفسو ح يهيج بشرتك..

🚩ما عارفه سعرو كم بره لكن متوفر في صيدليات وزاره الصحه مجانا ..
اظن بره ما بيزيد عن ٥٠ ريال..
ف السودان موجود بأسم azaderm اعتقد بس ما عارفه سعرو كم..

تحياتي..
ودمتم في نوور ❤

عن الكاتب

غادة كريم

ما قيل للورده حتى جعلها تتفتح.. يشبه ما قيل لي حين صرت انثى مغرمه بالجمال..في مدونتي اهتم بجمال الروح وحياه القلب واشارككم شيئا من رسائل الحياه..